erdoghan sérbiye we misir pirézidéntliri bilen körüshti
jumhur reis rejep tayyip erdoghan sérbiye pirézidénti aléksandar wuchich we misir pirézidénti abdul fattah el sisi bilen téléfonda ayrim ayrim körüshti.
türkiye awazi radiyosi xewiri: jumhur reislik uchur - alaqe idarisining bayanatigha asaslanghanda, erdoghan wuchich bilen ötküzgen söhbitide sérbiye rehbirining saylamda ghelbe qilghanliqini tebrikligen.
söhbette, türkiye-sérbiye munasiwetliri, xelqaraliq we rayon xaraktérliq mesililermu muzakire qilinghan.
jumhur reis erdoghan yéngi dewrde ikki dölet otturisidiki küchlük munasiwetler we hemkarliqlarning tereqqiy qilghan halda dawamlishidighanliqini bildürgen.
erdoghanning sisi bilen ötküzgen söhbitide, israiliyening pelestin zéminidiki hujumliri we ghezzege insanperwerlik yardem yetküzüsh tirishchanliqi muzakire qilinghan.
erdoghan söhbette islam döletlirining menggülük urush toxtitishqa kapaletlik qilish üchün bashlanghan tirishchanliqlarni ittipaqliq ichide dawamlashturushning muhimliqini tekitligen.
söhbette misirning pirézidéntliqigha qayta saylanghan sisigha muweppeqiyet tiligen erdoghan, yéngi dewrning türkiye-misir munasiwetliri üchün paydiliq bolushini ümit qilidighanliqini bildürgen.
