mersinde daéshning atalmish demeshq mesuli qolgha chüshti
türkiye istixbarat idarisi (MİT) térrorluq teshkilati daéshning atalmish demeshq memuriy we maliye mesuli huzeyfe elmurini mersinde élip barghan herikette tutti.
türkiye awazi radiyosi xewiri: bixeterlik menbeliridin igilengen uchurlargha asaslanghanda, toqunush rayonidiki teshkilat ezalirigha iqtisadiy yardem yetküzüsh maslashturghuchisi ikenliki éniqlanghan atalmish demeshq memuriy we maliye mesuli, esli ismi eyyup, mexpiy ismi huzeyfe elmuri bolghan térrorchigha qarshi mersinde heriket élip bérilghan.
huzeyfe elmuri türkiye istixbarat idarisi bilen saqchi idarisining birleshme herikiti netijiside mersinde tutulghan.
heriket jeryanida, daéshning 28 ming 800 dollar, 14 ming 950 yawro, 31 ming 800 lira hemde nurghun dijital matériyallar qolgha chüshürülgen. térrorluq teshkilati daéshning pul yötkeshte ishletken köchme eplirimu ashkarilanghan.
huzeyfe elmuri soraqta, teshkilatqa kirish jeryani, süriye we türkiyediki paaliyetliri, alaqilashqan daésh ezaliri hemde pul yötkesh qatarliqlar heqqide tepsiliy melumatlarni bergen.
