erdoghan budapéshtqa yétip bardi

türkiye awazi radiyosi xewiri: jumhur reis erdoghanni budapésht frens liszt xelqara ayrodurumida wéngiriye tashqi ishlar, qoshumche soda ishliri ministiri pétér szijarto, wéngiriyening enqerede turushluq bash elchisi wiktor matis, wéngriye tashqi ishlar ministirliqi néfit ishliri bash idarisi mudiri anét warga, türkiyening budapéshitta turushluq bash elchisi gülshen ekshioghlu bilen repiqisi ekrem ekshioghlu qarshi aldi.

erdoghanning wéngiriye ziyariti ikki döletning birinchi dunya urushidin kéyin üzülüp qalghan diplomatik munasiwitini eslige keltürüsh meqsitide imzalanghan «dostluq shertnamisi»ning 100 - xatire yiligha toghra kdldi.

jumhur reis erdoghanning bu qétimqi ziyariti jeryanida, wéngiriye pirézidénti katalin nowak we bash ministir wiktor orban bilen körüshüshi hemde ikki döletning siyasiy, diplomatik we iqtisadiy munasiwetlirining etrapliq muhakime qilinishi pilanlanmaqta.

söhbetler jeryanida, türkiyening yawropa ittipaqi bilen bolghan munasiwitidin tartip ghezzening nöwettiki weziyitigiche bolghan küntertiptiki mesililer bilen birlikte, türkiye-wéngriye iqtisadiy we siyasiy munasiwetliri muzakire qilinidu hemde yuqiri derijilik istratégiyelik kéngesh yighini échilidu.

iqtisad, soda, mudapie sanaiti, énérgiye we medeniyet qatarliq saherler asasiy nuqta bolidighan ziyaret jeryanida yene, ikki dölet otturisida 16 türlük höjjetning imzalinishi pilanlanmaqta.