enqere bilen istanbulda pelestinni qollash namayishliri ötküzüldi
paytext enqerede pelestin hemkarliq munbiri refah chégra éghizidin insanperwerlik yardemlirining ghezzege yetküzülüshini telep qilip namayish uyushturdi.
türkiye awazi radiyosi xewiri: pelestin hemkarliq munbiri enqerediki misir elchixanisining aldida namayish ötküzdi.
namayishchilar pelestinni qollap her xil shoarlarni towlidi, shoarlar yézilghan lozunkilarni achti.
elchixanining aldida sözlengen nutuqlarda, dunyaning ghezze bilen siniliwatqanliqi, jimjit qarap turghanlarning irqiy qirghinchiliqqa shérik boluwatqanliqi, ghezzeliklerning kündilik éhtiyajliri hel qilinghan ehwalda qiyinchiliqlirining aziraq bolsimu yenggilleydighanliqi tekitlendi. shunga, misir qatarliq musulman döletlirining ghezzege insanperwerlik yardemlirining izchil yetküzülüshi üchün konkrét qedemlerni tashlishi kérekliki eskertildi.
musulman döletler rehberlirining barliq imkaniyetlirini ishqa sélip, her türlük siyasiy we diplomatik tirishchanliqlarni körsitishi telep qilindi.
istanbuldimu fatih jameside «ghezze üchün dua qilish» paaliyiti uyushturuldi. bu paaliyetke, nurghun kishi ishtirak qildi.
