1047 türkiye puqrasi ghezzedin tarqaqlashturuldi
türkiye israiliye bilen hamas otturisidiki toqunushlar bashlanghan 8 – öktebirdin buyan 1047 türkiye puqrasi, shimaliy qibris türk jumhuriyiti puqraliri we ularning aile tawabiatlirini ghezzedin tarqaqlashturdi.
türkiye awazi radiyosi xewiri: türkiye tashqi ishlar ministirliqining bayanatchisi önjü kecheli, ammiwi ortaqlishish tor béti X sehipiside, bu heqte élan qilghan bayanatida, mundaq dédi:
«israiliye bilen hamas otturisidiki toqunushlar bashlanghan 8 – öktebirdin buyan 1047 türkiye puqrasi, shimaliy qibris türk jumhuriyiti puqraliri we ularning aile tawabiatliri ghezzedin tarqaqlashtuuldi. ghezzedin tarqaqlashturulghanlar diplomatlirimiz teripidin chégra éghizining misir teripide qarshi élinmaqta, ular aldi bilen quruqluq arqiliq qahirege, andin ayropilan bilen istanbulgha élip kélinmekte.»
«tarqaqlashturulushni kütüwatqan puqralirimizning tizimliki dawamliq yéngilanmaqta. ghezzediki barliq türkiye puqralirini bixeter we eng qisqa waqit ichide tarqaqlashturup bolushni nishan qiliwatimiz.»