xaqan fidan kanadada ghezze meslisini muzakirileshti
tashqi ishlar ministiri xaqan fidan israiliyening ghezzege qiliwatqan hujumini toxtitish we menggülük tinchliqqa kapaletlik qilish dairiside islam hemkarliq teshkilati we ereb elliri ittipaqi alaqilishish guruppisi bilen kanadada muzakirilertde boldi.
türkiye awazi radyosi xewiri: xaqan fidan islam hemkarliq teshkilati we ereb elliri ittipaqi alaqilishish guruppisining xizmiti dairiside kanadaning ottawa shehirini ziyaret qildi.
xaqan fidannimu öz ichige alghan islam hemkarliq teshkilati we ereb elliri ittipaqigha tewe xelqara teshebbuslarni yolgha qoyuwatqan alaqilishish guruppisining ezasi tashqi ishlar ministirliri, ottawada kanada bash ministiri jastin trudo we kanada tashqi ishlar ministiri mélani joli bilen körüshti.
xaqan fidan kanada ziyaritidin ilgiri yene amérikaning paytexti washingtonda uchrishishlarda bolghan idi.
xaqan fidan alaqilishish guruppisining amérikadiki uchrishishliri jeryanida ghezzede yüz bériwatqan pajielerni yalingach we toluq bir shekilde anglatqanliqini hemde dunya jamaetchilikining bu heqtiki isyanining bayanatchisi bolghanliqini bildürgen idi.
