türkiye: ezerbeyjan bilen erméniyening qararidin xursenmiz
türkiye ezerbeyjan bilen erméniye otturisida bezi mesililerde ishench turghuzush yolida konkrét qedemlerni tashlash qarari chiqirilishidin xursen ikenlikini bildürdi.
türkiye awazi radiyosi xewiri: türkiye tashqi ishlar ministirliqining bu heqte élan qilinghan yazma bayanatida, mundaq déyildi:
«ezerbeyjan pirézidént mehkimisi bilen erméniye bash ministirliq mehkimisi ishxanisining birleshme bayanatida élan qilinghan, ikki dölet otturisida bezi mesililerde ishench turghuzush yolida konkrét qedemlerni tashlash qarari chiqirilishidin intayin xursenmiz. ikki döletning qoshumche ishench turghuzush qedemliri dairiside söhbetni dawamlashturush qararini qollaymiz.»
«türkiye jenubiy kawkaz rayonida uzun muddetlik tinchliq we muqimliq ornitishning asasini turghuzush yolidiki eng muhim özgirishlerdin birini tshkil qilidighan ezerbeyjan bilen erméniye otturisida derhal tinchliq kélishimi imzalinishini chin dilimizdin arzu qilimiz.»
