fidan amérikada ziyarette bolidu

ürkiye awazi radiyosi xewiri: tashqi ishlar ministiri xaqan fidan  ghezzediki urushni toxtitish we uzun muddetlik tinchliq ornitishqqa kapaletlik qilish yolida tirishchanliq körsitish üchün, bügün amérika qoshma ishtatlirining paytexti washingtonda dölet ishliri ziyaritide bolidu.

türkiye tashqi ishlar ministirliqining bildürüshiche, islam hemkarliq teshkilati bilen ereb elliri ittipaqining 11 – noyabir küni chaqirilghan pewquladde birleshme yighinida, türkiye, pelestin, seudi erebistan, hindonéziye, misir, iyordaniye, qatar we nigériye qatarliq döletlerning diplomatiye ministirliridin teshkil tapqan alaqilishish guruppisigha, ghezzediki urushni toxtitish we uzun muddetlik tinchliq ornitishqa kapaletlik qilish yolida xelqara jemiyet bilen türlük uchrishishlarni élip bérip, ortaq tirishchanliq körsitish wezipisi tapshurulghan.

bayanatta tekitlinishiche, mezkur alaqilishish guruppisi amérika qoshma ishtatliri tashqi ishlar ministiri antoni blinkén bilen körüshüp, uningdin israiliyening ghezzege qaratqan hujumlirini üzül - késil we shertsiz toxtitishi üchün heriketke ötüshini telep qilidiken.

alaqilishish guruppisi yene, tetqiqat merkizining wekilliri we axbarat wastiliri organliri bilenmu körüshkendin kéyin, 9-dékabir (2023) kanadagha yétip bérip, kanada tashqi ishlar ministiri mélani joli bilen bir yerge jem bolidiken.

igilinishiche, hem islam hemkarliq teshkilati bilen ereb elliri ittipaqining hem bu döletlerning bir gewde halitide heriket qilishi pütkül dunyagha küchlük signal bermekte iken.