2023-yilliq t r t world munbiri istanbulda ötküzüldi

türkiye awazi radiyosi xewiri: türkiye radiyo-téléwiziye idarisi-t r t teripidin 2023-yilliq t r t world munbiri yighini 8-9-dékabir künliri istanbulda ötküzüldi.

2023-yilliq t r t world munbiri yighini «birlikte tereqqiy qilish: mesuliyetler we hel qilish chareliri» témisi astida istanbulda bashlandi.

t r t ning bu heqtiki bayanatida bildürülishiche, bügüngiche 8 ming 500 din artuq méhmanni we 651 söz qilghuchini bir yerge jem qilghan t r t world munbiri yighinigha, bu yilmu dunyaning oxshimighan jayliridin kelgen akadémik, siyasetchi, ijtimaiy teshkilatlarning wekilliri, tetqiqat organlirining mutexessisliri, biyukrat we zhurnalistlardin terkip tapqan 153 söz qilghuchi qatnashqan.

bu yil 7-qétimliqi bolghan t r t world munbiri yighinida, dunya mesililirini küntertipke ekilish we hel qilish chare-teklipliri sunulghan.

jumhur reis rejep tayyip erdoghan yighinning échilishida söz qilghan. buningdin bashqa, muawin jumhur reis jewdet yilmaz bilen bezi ministirlarmu muhim témilarda söz qilghan.

yighinda, xelqara bixeterlik, énérgiye we kilimat, iqtisad, téxnologiye, süniy eqil, axbaratchiliq bilen siyaset mesililiri aldinqi orunda turghan.

mutexessisler «türkiye yüz yili ghayisi: tertip ornatquchi aktiyor bolush süpiti bilen türkiye», «isirailiyening ghezze urushi: insaniy kirizis we tinchliq ümidliri», «dijital dewrde dölet axbaratchiliqi: qiyinchiliqlar we pursetler» qatarliq témilar üstide muhakimiler élip barghan.