iraqning shimalida sekkiz térrorchi bir terep qilindi

türkiye awazi radiyosi xewiri: türkiye armiyesi «térrorchi qeyerde bolsa zerbe bérish nishanimiz shu yerdur» shoari astida térrorchilarning uwilirini yer bilen yeksan qilishni dawamlashturmaqta.

türkiye dölet mudapie ministirliqi iraqning shimalidiki «penje – qulup» herbiy herikiti rayonida éniqlap chiqilghan bölgünchi térrorluq teshkilati p k k ezasi sekkiz térrorchining, türkiye armiyesining hawa herikiti dawamida bir terep qilinghanliqini uqturdi.

dölet mudapie ministirliqining bayanatida, rayonda eng axirqi bir térrorchi yoqitilghangha qeder zerbe bérish heriketlirining qetiy irade bilen keskin dawamlishidighanliqi tekitlendi.

iraqning shimalidiki panahlinish orunliridin qéchip ketken bölgünchi térrorluq teshkilati p k k ezasi üch térrorchi, türkiye dölet xewpsizlik küchlirige teslim bolghanidi.

dölet mudapie ministirliqining bu heqte élan qilghan bayanatida, mundaq déyilgenidi:

«qehriman qisimlirimizning muweppeqiyetlik zerbe bérish heriketliri dawamida, iraqning shimalidiki panahlinish orunliridin qachqan bölgünchi térrorluq teshkilati p k k ezasi üch térrorchi, haburdiki chégra mudapie saqchixanimizgha teslim boldi.»

iraqning shimalidiki «penje – qulup» herbiy herikiti rayonida bolsa, bölgünchi térrorluq teshkilati p k k ezasi üch térrorchi, türkiye armiyesi teripidin bir terep qilinghanidi.