әрдоған қатардин айрилди
дөлитимиз (түркийә җумһурийити) җумһур рәиси рәҗәп таййип әрдоған қатарда өткүзүлгән 44- нөвәтлик парис қолтуқи һәмкарлиқ кеңиши башлиқлар йиғинидин кейин қатарниң пайтәхти доһадин айрилди.
түркийә авази радийоси хәвири: җумһур рәис рәҗәп таййип әрдоған исраилийә баш министири бенйамин нетанйаһу һөкүмитиниң пүткүл районниң бихәтәрлики вә киләчикини хәтәргә иттириватқанлиқини ейтти.
җумһур рәис әрдоған қатарда өткүзүлгән 44- нөвәтлик парис қолтуқи һәмкарлиқ кеңиши башлиқлар йиғинида сөз қилди.
әрдоған түркийәниң хәлқара мәбләғ салғучилар үчүн бурундин тартипла бихәтәр порт икәнликини тәкитләп мундақ деди:
« түркийә иқтисадиға ишинидиған қериндашлиримизға һәр хил қолайлиқларни йаритип беришкә тәййармиз.»
ғәззә районида давамлишиватқан исраилийә – һамас оттурисидики тоқунушлар тоғрилиқму тохталған җумһур рәис әрдоған, мундақ дәп көрсәтти:
«бизниң әң муһим ишимиз дәрһал узун муддәтлик уруш тохтитишни елан қилиш вә ғәззәгә инсанпәрвәрлик йардәм буйумлириниң давамлиқ киришигә капаләтлик қилиштур.»
«бенйамин нетанйаһу һөкүмити сийасий өмрини узартиш үчүн пүткүл районимизниң бихәтәрлики вә келәчикини хәтәргә иттириватиду. дәрвәқә, ғәззәдики вәһшийликләрниң сүрийәни өз ичигә алған районлуқ урушқа айлинип қелишиға қәтий йол қоймаслиқимиз керәк.»
«көпинчиси балилар вә айаллардин тәшкил тапқан 17 миң бигунаһ пәләстинликниң һайатидин айрилиши инсанийәткә қарши җинайәттур, уруш җинайитидур. исраилийә бу җинайәтлири түпәйли чоқум җавабкарлиққа тартилиши керәк.»
җумһур рәис әрдоған қатарда өткүзүлгән 44- нөвәтлик парис қолтуқи һәмкарлиқ кеңиши башлиқлар йиғинидин кейин қатарниң пайтәхти доһадин айрилди.
مۇناسىۋەتلىك خەۋەرلەر
гиретсийә баш министири кирийакос митсотакис әтә түркийәгә йетип келиду
җумһур рәис рәҗәп таййип әрдоған пайтәхт әнқәрәдә митсотакисниң зийаритини қобул қилиду.
