ömer chelik nétanyahu hökümitining ghezzediki irqiy qirghinchiliqi heqqide muhim söz qildi

türkiye awazi radiyosi xewiri: adalet we tereqqiyat partiyesi bayanatchisi ömer chelik partiye merkizide adalet we tereqqiyat partiyesining ijraiye heyiti yighinidin kéyin muxbirlarni kütüwélish yighini chaqirdi.

ömer chelik «yehudiy qirghinchiliqi bilen ghezzediki irqiy qirghinchiliq körsitilgen» resim aldida axbarat élan qilip, bigunah yehudiylargha qaritilghan irqiy qirghinchiliq bilen nétanyahu hökümitining bigunah ghezze xelqige qilghan irqiy qirghinchiliqining perqi yoqluqini tekitlidi.

ömer chelik: «pelestindiki insaniyetke xilap weziyet yétip kelgen hazirqi nuqtida, 6150 din artuq kichik bala we 4000 din artuq ayalni qoshqanda texminen 15 ming adem öltürüldi. bu qetliam we irqiy qirghinchiliq hésablinidu. buni <israiliyening özini qoghdash hoquqi bar> dégen jümlining arqisigha yoshurunup turup qollighan döletler epsuski, gherb dunyasida hazirmu köp sanliqta» dédi hemde gherbtiki nurghun hökümetlerning yershari xaraktérlik wijdanning sadasigha arqini qiliwalghanliqini éytti.

ömer chelik urush toxtitish chaqiriqliri élan qilinghanliqini eskertip, nétanyahu hökümitining buni insanperwerlik mesilisi emes, belki urushning taktikiliq basquchi dep qaraydighanliqini bildürdi.

ömer chelik: «ümid qilimenki <insanperwerlik nuqtisidin urush toxtitish tursh> déyilgen we israiliye taktikiliq mesile dep qaraydighan bu ehwal, uzun muddetlik urush toxtitishqa aylanghay» dédi.

ömer chelik <insanperwerlik nuqtisidin urush toxtitish tursh> wesilisi bilen, bu weyranchiliqning kölimining ashkarilanghanliqini tekitlep: «natsistlarning yehudiylargha qaratqan qirghinchiliqigha oxshash bir irqiy qirghinchiliq nitaniyahu hökümiti teripidin pelestinliklerge we bigunah ghezze xelqige élip bérilmaqta. ghezzening hemmisi dégüdek weyran boldi. barliq öyler yiqildi. hetta doxturxanilarmu israiliye qisimlirining bombardiman qilishi bilen pütünley weyran qilindi» dédi.