türkiye emeldarliri qahire, elersh we refah chégra éghizi qatarliq jaylarni ziyaret qildi

türkiye awazi radiyosi xewiri: diplomatik menbelerdin igilengen uchurlargha asaslanghanda, muawin tashqi ishlar ministiri serim bilen muawin ichki ishlar ministiri karaloghlu misirni ziyaret qilghan.

ular qahirede misir muawin tashqi ishlar ministirliri, misir qizil hilal ay jemiyiti we misir apet we jiddiy ishlargha taqabil turush tarmaqlirining emeldarliri bilen körüshkendin kéyin, türkiyening insanperwerlik yardem eshyaliri yétip barghan elersh shehiri we puqralar tarqaqlashturuluwatqan refah chégra éghizini ziyaret qilghan.

kirizis bashlanghandin buyan refah chégra éghizida wezipe ötewatqan türkiyening qahirediki elchixanisi xadimliri bilen körüshken serim bilen karaloghlu, tarqaqlashturulghan türkiye puqralirini chégrada kütüwalghan.

muawin ministir serim refah chégra éghizida ghezzediki türkiye puqralirini tarqaqlashturush herikiti heqqide bayanat élan qilghan؛ u kirizis bashlanghandin buyan, türkiyening diqqitini ghezzediki kishilerge yardem bérish we u yerdiki türkiye puqralirini tarqaqlashturush mesilisige merkezleshtürgenlikini tilgha élip: «mesilini hel qilish üchün barliq sehnilerde tirishchanliq körsitishni dawamlashturimiz» dégen.

ministir serim misir dairilirining hemkarliq rohigha  minnetdarliq bildürüp: «ghezzede tarqaqlashturulushni kütüwatqan qérindashlirimiz bar. biz ularningmu (rayondin) baldurraq chiqishigha kapaletlik qilish üchün, xizmetlirimizni üzlüksiz dawamlashturuwatimiz» dégenlerni qeyt qilghan.

türkiyening pelestinliklerning özige layiq tinchliq we xatirjemlikke érishishige kapaletlik qilish üchün, küchining yétishiche dawamliq tirishidighanliqini eskertken serim: «men 7 – öktebirdin buyan heqiqetni namayan qilish yolida qiyin sharait astida wezipe ötewatqan zhurnalist qérindashlirimizgha chin könglümdin rehmet éytimen» dégenlerni sözlirige ilawe qilghan.