«қәһриман -30» намлиқ һәрикәттә террорлуқ тәшкилатиға әҗәллик зәрбә берилди
ички ишлар министири әли йәрликайа алтә вилайәттә бөлгүнчи террорлуқ тәшкилатиға қарши елип бериливатқан «30-қәһриман» намлиқ һәрикәттә, 63 өңкүр, панаһлиниш орунлири вә оқ - дора искилатлириниң битчит қилинғанлиқини билдүрди.
түркийә авази радийоси хәвири: ички ишлар министири әли йәрликайа иҗтимаий таратқу адресида елан қилған байанатида, террористларниң қиш айлирида һәрикәт елип бериш мәқситидә өңкүр вә панаһлиниш орунлириға йошурған һәр хил қорал-йарағ, оқ-дора вә партлатқуч маддиларни йоқитиш үчүн «30-қәһриман» намлиқ һәрикәт елип берилғанлиқини, һәрикәт җәрйанида алтә вилайәттә 63 өңкүр, панаһлиниш орни вә искилатларниң битчит қилинғанлиқини билдүрди.
у байанатида: «террорчиларниң увисини бир-бирләп вәйран қиливатимиз, буниңдин кейинму вәйран қилишни давамлаштуримиз» деди.
әли йәрликайа ширнак, сиирт, қаһраманмараш, дийарбакир, муш вә тунҗәлида елип берилған һәрикәтләргә учқучисиз айропилан вә «атак» намлиқ тик учарларниңму қатнаштурулғанлиқини әскәртти.
مۇناسىۋەتلىك خەۋەرلەر
гиретсийә баш министири кирийакос митсотакис әтә түркийәгә йетип келиду
җумһур рәис рәҗәп таййип әрдоған пайтәхт әнқәрәдә митсотакисниң зийаритини қобул қилиду.
