türkiyening afghanistangha yollighan 19 - «yaxshiliq poyizi» hérat wilayitige yétip bardi
türkiyediki ammiwi teshkilatlarning qollishi bilen teminlengen insanperwerlik yardem boyumlirini élip mangghan 19 - nöwetlik «méhri-shepqet poyizi» türkmenistan chégrasidiki turgundi chégra éghizidin ötüp, afghanistanning hérat wilayitige yétip bardi.
türkiye awazi radiyosi xewiri: chédir, ediyal, générator, yémeklik, ashxana we taziliq buyumliridin terkip tapqan 500 tonnidin artuq insanperwerlik yardimi, asasliqi hérat wilayitide yer tewreshning tesirige uchrighan rayonlargha wepakistan-afghanistan chégrasidiki pakistandin qayturiwitilgen afghanistanliq köchmenlerge tarqitip bérilidu.
türkiyening kabulda turushluq wekili shundaqla elchixana bash meslihetchisi jenk unal türkiyening qiyin waqitlarda afghanistan xelqining yénida bolghanliqini, insanperwerlik yardemlirining buningdin kéyinmu dawam qilidighanliqini bildürdi.
19 «méhri-shepqet poyizi» bilen afghanistangha élip bérilghan insanperwerlik yardem boyumliri jemiy 8 ming 201 tonnigha yetti.
bu yardemler afghanistandiki minglighan aililerge tarqitildi.
مۇناسىۋەتلىك خەۋەرلەر
türkiyening awiyatsiye sahesi mulazimitide rékort yaritildi
aprél éyida türkiye miqyasidiki ayrodurumlarda 18 milyongha yéqin yoluchi toshuldi.
ezerbeyjan bash ministiri türkiyede ziyarette bolmaqta
ezerbeyjan bash ministiri eli esedof türkiyede dölet ishliri ziyaritide bolmaqta.
