fahrettin altun israiliyening tetür teshwiqatigha qarshi küresh heqqide toxtaldi

türkiye awazi radiyosi xewiri: fahrettin altun istanbulda uchur – alaqe idarisi teripidin ötküzülgen xelqara istratégiyelik uchur – alaqe bashliqlar yighini (Stratcom Summit'23) da yépilish nutuqi sözlidi.

fahrettin altun bashliqlar yighinida pütkül dunyagha tehdit siliwatqan arilashma tehditlerge qarshi qandaq, qaysi yol we usullar bilen küresh qilishni muzakireleshkenliklirini bildürüp, «istratégiyelik uchur – alaqe xadimliri bolush süpitimiz bilen, biz shexsler, jemiyetler, medeniyetler, döletler we démokratiyelerni hujum nishani qilghan arilashma tehditlerge qarshi ünümlük hemkarlishishimiz kérek» dédi.

yer sharidiki adaletsizlikning tetür teshwiqatlar we saxta xewerler arqiliq kéngiyishke qarap yüzliniwatqanliqini tekitlep: «biz dunya miqyasida teshkillinimiz. ünümlük maslashturush arqiliq yalghan xewer, tetur teshwiqat we arilashma tehditlerge qarshi küresh qilimiz» dédi.

fahrettin altun israiliye zulmining muxbirlarni hujum nishani qilip, xelqara jemiyetning toghra we saghlam uchurlargha érishishining aldini élish hemde öz qarangghuluqliri ichide ishlepchiqarghan yalghan xewerler bilen heqiqetni bulghash, shundaqla burmilashni meqset qilghan barliq paaliyetlirini qattiq eyiblidi.

u axirida, tetur teshwiqat we pikir monopul qilish heriketlirige qarshi küreshte qetiy iradige ige ikenliklirini tekitlidi.