fidan london we parizhda dölet ishliri ziyaritide bolidu

türkiye awazi radiyosi xewiri: tashqi ishlar ministiri xaqan fidan 11-noyabir küni riyadta ötküzülgen islam hemkarliq teshkilati we ereb elliri ittipaqi birleshme bashliqlar yighinida türkiyening rehberlikide chiqirilghan qarar dairiside qurulghan alaqilishish guruppisi bilen birlikte, ghezze rayonida barghanséri keskinlishiwatqan jiddiychilikke xatime bérilishi üchün, london we parizhda ziyarette bolidu.

xaqan fidan 11-ayning 22-küni seudi erebistan, iyordaniye, misir, hindonéziye, nigériye, pelestin qatariq döletlerning tashqi ishlar ministirliri we islam hemkarliq teshkilatining bash katipidin terkib tapqan wekiller ömiki bilen birlikte, londonda engliye bash weziri rishi sunak bilen, parizhda  firansiye pirézidénti émmanuél makron bilen körüshidu.

islam hemkarliq teshkilati we ereb elliri ittipaqi birleshme bashliqlar yighinida, türkiyening xizmet ishlishi netijiside qurulghan we rusiyede uchrishishlarda bolidighan wekiller ömikining ziyaritining tunji békiti tünügün (20-noyabir) xitay bolghanidi.

hamasning herbiy qaniti bolghan qessam birigadiliri 7-öktebir shenbe küni israiliyege qarshi «eqsa topani» namliq keng kölemlik hujum qozghighanliqlirini élan qilghanidi.

israiliye armiyesi bolsa, urush ayropilanliri bilen ghezze shehirige «tömür qilich herikiti» qozghighanliqlirini bildürgenidi.

igilinishiche, israiliyening  barghanséri keskinlishiwatqan hujumliri dawamida köpinchisi balilar bolup, 13 mingdin artuq pelestinlik jénidin ayrilghan.