fahrettin altun erdoghanning gérmaniyediki sözlirige yuqiri baha berdi

türkiye awazi radiyosi xewiri: jumhur reislik uchur - alaqe idarisi bashliqi fahrettin altun yalghuz pelestin üchünla emes, belki dunyaning hemmila jayliridiki zulumlargha qarshi awazini jaranglatqan jumhur reis rejep tayyip erdoghan sizip bergen yolda dunyaning tinchliqi üchün tirishishni dawamlashturidighanliqlirini bildürdi.

fahrettin altun ijtimaiy alaqe adrésidiki yazmisida jumhur reis erdoghanning jüme küni gérmaniyede qilghan sözliri heqqide toxtaldi.

fahrettin altun jumhur reis erdoghanning zaman, makan we söhbetdash ayrip olturmastin, heqiqaniyetni sözleshte qetiy ikkilenmigenlikini, gérmaniyediki sözliri bilen adalet we heqiqaniyetning dunyadiki eng muhim wekillirining biri ikenlikini yene bir qétim namayan qilghanliqini bildürdi.

fahrettin altun: «yalghuz ghezze we pelestin üchünla emes, belki dunyaning hemmila jayliridiki zulumlargha we adaletsizliklerge qarshi hésab suqushtin uzaq bir shekilde awazini jaranglatqan,  tirishchanliq körsitiwatqan hörmetlik jumhur reisimiz sizip bergen shundaqla rehberlik qilghan yolda dunyaning tinchliqi üchün tirishishni dawamlashturimiz» dédi.