1915-yili chanaqqele köwrüki arqimu arqidin xelqaraliq mukapatlargha érishmekte
1915-yili chanaqqele köwrükibu qétim xelqara köwrük we qurulush inzhénérliri jemiyiti (IABSE) teripidin uyushturulghan «chong tashyol we tömür yol köwrüki» türide birinchilikke érishti.
türkiye awazi radyosi xewiri: xelqara köwrük we qurulush inzhénérliri jemiyiti 1998-yildin buyan ötküzüp kéliwatqan we dunyaning her qaysi jayliridiki qurulush layiheliri qatnishidighan «IABSE 2023 layihe we téxnika mukapati» gha érishküchiler shiwiyétsariyening ziyurix shehiride ötküzülgen murasimda élan qilindi.
yéngi zélandiye, wéngiriye, daniye, qatar, hindistan, filippin we xitay qatarliq nurghun döletlerning 40 tin artuq yershari xaraktérliq layiheliri 14 kishilik bahalighuchilar etriti teripidin 7 katigoriyede bahalap chiqildi.
qatnash we ul eslihe ministirliqi tashyol idarisi teripidin höddige bérilgen hemde qurulush pütkendin kéyinki bashqurishini türkiyening limak qurulush merkezi bilen koréyening «DL E&C we SK ékologiye shirkiti öz üstige alghan 1915-yili chanaqqele köwrüki layihesi, «asasliq tashyol we tömür yol köwrüki» layiheliri türi boyiche, xitay, filippin we botswananing layihelirimu qatnashqan musabiqida birinchilikkke layiq körüldi.
ötken heptilerde qurulush dunyasining aldinqi qatardiki médiya orgini bolghan « Engineering News-Record (ENR)» (qurulush xewerliri-rékorti (ENR)) zhurnili teripidin dunya boyiche eng yaxshi qurulush layiheliri tallanghan «yershari xaraktérliq eng yaxshi layiheler» musabiqisidimu birinchilikke érishken 1915-yili chanaqqele köwrüki, mushuning bilen jemiy 24 döletlik we xelqaraliq mukapatqa érishken boldi.
