fidan: shimaliy qibrisning étirap qilinishi üchün izchil xizmet ishleymiz
diplomatiye ministiri xaqan fidan shimaliy qibris türk jumhuriyiti we heq – hoquqlirining pütkül dunya elliri teripidin étirap qilinishi üchün pütün küchliri bilen xizmet ishleydighanliqlirini éytti.
türkiye awazi radiyosi xewiri: tashqi ishlar ministiri xaqan fidan shimaliy qibris türk jumhuriyiti metbuatlirigha bayanat élan qildi.
fidan bayanatida, shimaliy qibris türk jumhuriyitining pütkül dunya elliri teripidin étirap qilinishini qolgha keltürüsh yolida xizmet ishliniwatqanliqini, shimaliy qibris türk jumhuriyitining mewjudiyiti we üzlüksiz dawamlishishi üchün türkiye jumhuriyiti bolush süpiti bilen, qolliridin kélishiche xizmet ishleshni dawamlashturidighanliqlirini tekitlep mundaq dédi:
«türkiye bolush süpitimiz bilen, shimaliy qibris türk jumhuriyitidiki türklerning heq – hoquqliri, türk dölitining pütkül dunya elliri teripidin étirap qilinishini qolgha keltürüsh üchün pütün küchimiz bilen xizmet ishleshni dawamlashturimiz. derweqe, qibris türklirining shan – shereplik halda yashishi, güllep yashnishi we parawanliqi üchün her daim xizmet ishlewatimiz. bu uzun hem japaliq yol, emma biz bu yolda hérip – charchashni untup, dawamliq algha ilgirileymiz, jumhur reisimiz rejep tayyip erdoghan éytqandek, biz yolimizni qetiy dawamlashturimiz.»
