erdoghan reisi bilen körüshti
iqtisadiy hemkarliq teshkilatining 16- qétimliq bashliqlar yighini munaswiti bilen özbékistanning paytexti tashkentke barghan jumhur reis rejep tayyip erdoghan iran pirézidénti ibrahim reisi bilen körüshti.
türkiye awazi radiyosi xewiri: türkiye jumhuriyiti jumhur reislik mehkimisi uchur – alaqe ishliri idarisining bildürüshiche, jumhur reis erdoghan bilen pirézidént reisining uchrishishida, israiliyening ghezzege qilghan hujumliri keltürüp chiqarghan insaniy kirizis we uni hel qilish üchün tashlinidighan qedemler bilen türkiye - iran munasiwiti we rayongha alaqidar mesililer muzakire qilinghan.
jumhur reis erdoghan yighin jeryanida, israiliyening hujumlirini axirlashturushining rayon we dunyaning tinchliqigha paydiliq ikenlikini, islam hemkarliq teshkilatining ötküzülüshi pilanliniwatqan pewquladde bashliqlar yighinida adil hel qilish charisi otturigha qoyush üchün tirishishi kéreklikini tekitligen.
türkiyening képillik mesuliyitini üstige élish arqiliq mesilini hel qilishqa teyyar ikenlikini tekitligen jumhur reis erdoghan, islam dunyasining ortaq pozitsiyeni namayan qilip, israiliyege bolghan bésimni ashurushi kéreklikini otturigha qoyghan.
