türkiye yawropa ittipaqining doklatigha naraziliq bildürdi

türkiye awazi radiyosi xewiri: türkiye jumhuriyiti tashqi ishlar ministirliqi yawropa ittipaqi komissiyonining 2023- yilliq kéngiyish istratégiyesi höjjiti we barliq kandidat we bolghusi kandat döletler toghrisidiki doklatida orun alghan siyasiy ölchem, edliye we asasiy heq - hoquq söhbet saheliridiki asassiz eyiblesh we naheq tenqidlerni pütünley ret qilidighanliqini bildürdi.

«bu pozitsiye bir tereptin, kandidat dölet türkiye bilen tashqi siyaset, rayon xaraktérlik özgirishler, bixeterlik, mudapie we her qaysi sahelerdiki mewjut yuqiri derijilik söhbet we hemkarliq méxanizmlirigha tosqunluq qilsa, yene bir tereptin, mushundaq halqiliq sahelerde yawropa ittipaqi siyasetlirige maslishishimizning töwenlep ketkenlikini ilgiri sürüsh, intayin addiylashturup éytqanda, tutruqsizliqtur» déyilgen bayanatta yene, israiliyening 7-öktebirdin buyan dawamlashturuwatqan ghezzediki hujumliri tilgha élinip: «biz 21- esirde ottura esir qarangghuluqliridin kötürülgen puqralar qirghinchiliqi aldida tarixning xata teripide turuwatqan yawropa ittipaqigha, omumiy qimmet qarashlar, xelqara qanun we insanperwerlik pirinsiplarni asas qilghan siyasetlerning peqet ukraina yaki yawropaning bashqa bir rayoni üchünla emes, ottura sherqni öz ichige alghan pütkül dunyada küchke ige bolushi kéreklikini eskertish zörüriyiti hés qiliwatimiz. doklatta, tenqid süpitide orun alghan <dölitimizning hamas – israiliye urushigha tutuwatqan pozitsiyesining yawropa ittipaqi bilen sighishalmaydighanliqi> toghrisidiki yekünge bolsa, <medhiye> dep qaraymiz» dégenler qeyt qilindi.