türkiye afghanistangha 19- nöwetlik «yaxshiliq poyizi» ni yollidi
türkiyening öktebirde yüz bergen yer tewresh sewebidin afghanistanning hérat ölkisige ewetken «yaxshiliq poyizi» lirining 19- si murasim bilen yolgha sélindi.
türkiye awazi radiyosi xewiri: tebiiy apet we jiddiy ehwallargha taqabil turush idarisi (AFAD) insanperwerlik yardemlirining orunlashturushini ammiwi teshkilatlarning qollishi bilen teyyarlidi.
insanperwerlik yardemlirini yetküzidighan 19-qétimliq «yaxshiliq poyizi», murasim bilen paytext enqeredin afghanistangha qarap heriket qildi.
poyizda 39 tonna ediyal, 8 tonna yataq, 85 tonna chédir, 40 tonna taziliq matériyalliri , 33 tonna kiyim-kéchek, 15 dane générator, 240 tonna yémek-ichmek yishiki, 30 tonna ashxana lazimetlikliri, 40 tonna hajetxana üskünisi we 18 tonna issitquch eslihelirining barliqi bildürüldi.
muawin ichki ishlar ministiri munir karaloghlu enqere poyiz istansisida ötküzülgen murasimda söz qilip, afghanistanning hérat ölkiside 7-öktebir (2023) de yüz bergen yer tewreshtin kéyin afghanistangha yétip barghan tunji yardemchi etretning türkiye tebiiy apet we jiddiy ehwallargha taqabil turush idarisining etriti ikenlikini eskertti.
muawin ichki ishlar ministiri munir karaloghlu: «yaxshiliq poyizi 4200 kilométir yol yürüp, 15 künde menzilge yétip baridu» dédi.
مۇناسىۋەتلىك خەۋەرلەر
türkiyening awiyatsiye sahesi mulazimitide rékort yaritildi
aprél éyida türkiye miqyasidiki ayrodurumlarda 18 milyongha yéqin yoluchi toshuldi.
ezerbeyjan bash ministiri türkiyede ziyarette bolmaqta
ezerbeyjan bash ministiri eli esedof türkiyede dölet ishliri ziyaritide bolmaqta.
