türkiye büyük millet mejlisi israiliye mehsulatlirini bayqut qilish chaqiriqigha awaz qoshti
türkiye büyük millet mejlisi tewelikidiki ashxana, chayxana, qehwexanilarda israiliyeni qollaydighan shirketlerning mehsulatlirining sétilishini cheklesh qarar qilindi.
türkiye awazi radiyosi xewiri: türkiye büyük milliy mejlisi bayanat élan qilip, mejlisning jemiyetning ghezzediki bigunah kishilerni qirghin qilghan israiliyening urush jinayitini qollaydighanliqini ochuq - ashkara jakarlighan shirketlerning mehsulat we tawarlirini bayqut qilish seperwerlik rohini qollashni qarar qilghanliqini uqturdi.
bayanatta, mejlis bashliqi qurtulmushning körsetmisige asasen, israiliyening ghezzede sadir qilghan irqiy qirghinchiliq jinayitini qollaydighan shirketlerning mehsulatlirining mejlis tewelikidiki ashxana, chayxana we qehwexanilarda sétilmaydighanliqi qeyt qilindi.
pelestin islamiy qarshiliq körsitish herikiti – hamasning herbiy qaniti bolghan «qessam birigadisi» 7 – öktebir shenbe küni israiliyening pelestinliklerning we mesjidi eqsani öz ichige alghan muqeddes orunlarning hörmet we hoquqini izchil depsende qilishigha qarshi keng kölemlik hujum qozghighanliqini élan qilghan. israiliye armiyesimu ghezzeni shiddetlik bombardiman qilishni bashlighanidi.
israiliyening ghezzege qaratqan hujumlirida hayatidin ayrilghan pelestinlikler sani 10 mingdin éship ketti.
