koja dostluq doxturxanisidiki bimarlarni türkiyege yötkeshke yardem qilimiz

türkiye awazi radiyosi xewiri: sehiye ministiri fahrettin koja ijtimaiy taratqu adrésida bayanat élan qilip, xelqaraliq jemiyetlerning bimarlarni ölümge tashlap qoyush yaki ularning hayatini qutquzushtin birini tallashqa mejbur ikenlikini eskertti.

u: «munasiwetlik idare-organlarni we xelqaraliq jemiyetlerni agahlandurghan bolsaqmu, ghezzede xizmet qiliwatqan türkiye-pelestin dostluq doxturxanisi, yéqilghusining tügishi we isirailiye bombardimanlirining dawamlishishi netijiside, tünügün (1-noyabir) xizmitini toxtitishqa mejbur boldi. türkiye bolush süpitimiz bilen, doxturxanidin chiqishqa mejbur bolghan rak bimarlirini dawamliq dawalash, ghezzediki bashqa balilar we jiddiy qutquzuluwatqan bimarlarning ichide éhtiyajliq bolghan hemde muwapiq dep qaralghanlarning kordinatsiye astida, dölitimizge waqitliq yötkilishige barliq küchimiz bilen yardem qilishqa teyyarmiz» dédi.

u xelqaraliq jemiyetler we munasiwetlik idare-organlarning türkiyening chaqirqlirigha baldurraq jawab qayturup heriketke ötüshini kütüwatqanliqlirini tekitlep, xelqaraliq jemiyetler we munasiwetlik idare-organlarning doxturxanilargha qiliniwatqan hujumlarning aldini élishta yéterlik tirishchanliq körsitelmigenlikini qeyt qildi.

u sözini mundaq dawamlashturdi:

«hazir bimarlarning hayatini qutquzush, qéchip qutulghili bolmaydighan wezipe hésablinidu. bimarlarning hayatini qutquzushning sirtidiki birdinbir yol, bimarlarni ölümge tashlap qoyush. <buning mesuliyitini üstümge alalaymen> deydighan kishi barmu?.»