chelik: jibaliya musapirlar lagérigha qilinghan hujum aldin pilanlanghan qirghinchiliqtur
adalet we tereqqiyat partiyesi muawin reisi, qoshumche partiye bayanatchisi ömer chelik, israiliyening ghezzediki jibaliya musapirlar lagérigha qilghan hujumigha «aldin pilanlanghan qirghinchiliq» dep baha berdi we uni eyiblidi.
türkiye awazi radiyosi xewiri: chelik özining ijtimaiy taratqu supisidiki adrésida uchur hembehrilep, israiliyening puqralar we bigunah kishiler jaylashqan ghezzediki jibaliya musapirlar lagérigha qilghan rehimsiz hujumini eyibleydighanliqini bildürdi.
eng asasliq insaniy qimmetler we xelqara qanunni depsende qilghan bu rehimsiz hujumning, pilanliq qirghinchiliq ikenlikini bildürgen chelik: «<biz israiliye armiyesige héchqandaq qizil siziq körsetmeymiz> dégen döletlermu bu qirghinchiliqqa ilham berdi. israiliyening özini qoghdash hoquqining barliqini otturigha qoyuwatqan döletlening, ghezzelik ayallar bilen balilarningmu yashash hoquqining barliqini tilgha almasliqi insaniyet üchün nomus. <israiliyege urush toxtitishni tewsiye qilmaymiz> dep qoral ewetkenler, qirghinchiliq siyasiti yürgüzmekte» dégenlerni qeyt qildi.
israiliyening tünügün ghezzediki jibaliya musapirlar lagérigha qilghan hawa hujumida 100 ademning qaza qilghanliqi, nurghun ademning yarilanghanliqi bildürülgenidi.
