altun israiliyeni muxbirlarning bixeterlikige kapaletlik qilishqa chaqirdi

türkiye awazi radiyosi xewiri: fahrettin altun özining ijtimaiy taratqudiki adrésida uchur hembehrilep, ghezzede urush bashlanghandin buyan 24 muxbirning hayatidin ayrilghanliqini, nurghun muxbirning yarilanghanliqini bildürdi.

toqunush rayonidiki bashqa puqralar bilen birlikte muxbirlarningmu zerbe obyékti qilinishi we ularning qara - qoyuq qetl qilinishini eyibligen altun, muxbirlarning peqet xizmetlirini ada qilip, xewerlerni neq meydandin yetküzüwatqanliqini eskertti.

muxbirlargha qaritilghan her qandaq zorawanliqni qobul qilghili bolmaydighanliqini bildürgen fahrettin altun sözini dawamlashturup: «ular bizning urushning wehshiylikini köreleydighan birdinbir qanilimiz. biz israiliye dairilirini puqralarning talapetke uchrishigha sel qarashni toxtitip, muxbirlarni qoghdash üchün, küchlük tedbirlerni yolgha qoyushqa chaqirimiz. puqralarning milliti we étnik kélip chiqish muhim emes, urush qiliwatqan barliq tereplerning ularni qoghdash mejburiyiti bar. neq meydandiki ehwallarning peqet birla nusxisini tarqatmaqchi bolghanlar bolghanlar, muxbirlarning turmushini qolidin kélishiche qiyinlashturmaqta. biz köpchilikke ularning xizmitini ada qilishqa tirishiwatqanliqini we bu ishning ularni hayatlirini qurban qilishqa élip barmasliqi kéreklikini eskertimiz. men bu shiddetlik toqunushta hayatidin ayrilghan muxbirlarning aile- tawabiatliri we yéqinliridin hal soraymen. biz peqet pakitlarni otturigha qoyush we neq meydandiki réalliqni qobul qilish arqiliqla tinchliqni qolgha keltüreleymiz» dégenlerni qeyt qildi.