serdar berdimuhemmedwo türkiyede dölet ishliri ziyaritide bolidu

türkiye awazi radiyosi xewiri: türkmenistan pirézidénti berdimuhemmedow ziyariti jeryanida jumhur reis rejep tayyip erdoghan bilen körüshüp, ikki tereplik we köp tereplik hemkarliq mesililiri shundaqla nöwettiki özgirishler heqqide pikir almashturidu.

1991- yili 27- öktebir musteqilliqini jakarlighan türkmenistanni 1991- yili 16 - dékabir tunji bolup étirap qilghan dölet türkiye boldi.

türkmenistan bilen türkiye jumhuriyiti otturisidiki diplomatik munasiwet 1992- yili 29- féwral ornitildi.

ortaq tarix, til, din we medeniyetke ige ikki qérindash dölet we xelqning «bir millet, ikki dölet» asasidiki tengpung, özara hörmet qilish we hemkarliqni asas qilghan alahide munasiwiti, shundaqla tashqi siyaset, soda, iqtisad, medeniyet we maarip sahesidiki hemkarliqi dawam qilmaqta.

türkmenistan türkiye shirketlirining rusiyedin qalsila eng köp meshghulat élip bériwatqan ikkinchi döliti hésablinidu.

tunji nöwetlik türkiye – ezerbeyjan - türkmenistan dölet bashliqliri yighini 2022- yili türkmenistanda ötküzülgen bolup, yighinda énérgiye sahesidiki hemkarliqni tereqqiy qildurush we tebiiy gaz bilen teminleshning ehmiyiti alahide tekitlengenidi.

berdimuhemmedow bashliqlar yighinida qilghan sözide, türkmenistan tebiiy gazining türkiye arqiliq yawropagha sétilishigha yéshil chiragh yéqip bergenidi.