түркийәниң исраилийә-пәләстин тоқунушиниң тәрәплиригә кепил дөләтләрни бәлгиләш формуласи

түркийә авази радйоси хәвири: русийәниң <TASS> хәвәр агентлиқиниң билдүришичә, лавров шималий корейәниң пайтәхти пйоңйаңдики учришишлиридин кейин,  мухбирларниң  исраилийә-пәләстин тоқунуши тоғрисидики соаллириға җаваб бәргән.

лавров түркийә оттуриға қойған исраилийә-пәләстин мәсилисидә мәңгүлүк тинчлиқни бәрпа қилиш үчүн кепил дөләтләрни бәлгиләп чиқидиған формула үстидә тохтилип,  «һәр қандақ иҗабий музакириләрни елип беришқа тәййармиз.  бу тәшәббус ениқла җиддийчиликни пәсәйтиш вә вәзийәтни нормаллаштуруш арзусидин кәлгән» деди.

лавров һәр қандақ усулниң тәрәпләрниң мәнпәәт тәңпуңлуқиға тайинишни керәкликини има қилип, «һес қилшимчә түркийәниң бу тәшәббуси мушундақ тәңпуңлуқни қолға кәлтүрүш арзусидин кәлгәндәк қилиду, буни ишқа ашурушта  һәмкарлишишқа тәййармиз» деди.

ташқи ишлар министири хақан фидан исраилийә-пәләстин мәсилисидә мәңгүлүк тинчлиқни бәрпә қилиш үчүн тәрәпләргә капаләтчи дөләтләр бекиитлидиған бир система  қуруш пикрини  оттуриға қойғанлиқини билдүргән иди.

хақан фидан пәләстин үчүн түркийәниң вә исраилийә үчүн башқа дөләтләрниң капаләтчи болалайдиғанлиқини  билдүрүп, «һәр икки тәрәпму бирдәклик һасил қилидиған келишим имзалиғандин кейин, келишимниң тәқәззалириниң толуқ орундилиши нуқтисида кепил дөләтләр мәсулийәтләрни өз үстигә алсун» дегән иди.

һамасниң һәрбий қанити қасссам  биригадиси 7-өктәбирдә исраилийәгә «ақса туфани» намлиқ кәң көләмлик һуҗум башлиғанлиқини елан қилған вә ғәззәдин исраилийәгә миңлиған ракетамийот атқандин башқа йәнә, қораллиқ гуруппилар райондики олтурақ районларға бесип киргән иди.

исраилийә қисимлириму уруш айропилани билән ғәззә райониға қарши «төмүр қилич» һәрикитини башлиғанлиқини елан қилған иди.

күнсери кәскинлишиватқан тоқунушта һәр икки тәрәптин миңлиған киши җенидин айрилди.