türkiyede pelestin shéhitliri üchün üch künlük «milliy matem»  élan qilindi

türkiye awazi radiyosi xewiri: jumhur reis rejep tayyip erdoghan ammiwi ortaqlishish tor bétidiki sehipiside, bu heqte élan qilghan bayanatida mundaq dédi:

«türkiye bolush süpitimiz bilen, pelestinlik qérindashlirimiz bashtin kechürüwatqan qorqunchluq azab - oqubetlerni chongqur hés qiliwatimiz. köpinchisi balilar we bigunah puqralardin teshkil tapqan minglighan shéhitlirimizgha bolghan hörmitimizning namayendisi süpitide dölitimizde üch künlük <milliy matem> élan qilindi.»

erdoghanning bayanatida, türkiyening «milliy matem» qararighimu orun bérildi.

türkiyening üch künlük «milliy matem» heqqidiki qararida, israiliyening puqralarni nishan qiliwatqan, 2023 – yili 17 – öktebir küni doxturxanigha qilghan hujumliri netijiside adem ölüsh we yarilinish ehwalining körülgenliki, bu munasiwet bilen pelestin xelqining qorqunchluq azab – oqubetliri hem derd – elemlirini ortaqlishish meqsitide üch künlük «milliy matem élan qilinghanliqi» eskertildi.

qararda, 2023-yili 21 – öktebir shenbe kün patqangha qeder, dölet miqyasida we türkiyening chet ellerdiki elchixana-konsulxanilirida türkiye bayriqining yérim chüshürülidighanliqi tekitlendi.

israiliye ghezzening merkizidiki elehli baptist doxturxanisini bombardiman qilghan, bu qirghinchiliqta 471 puqra jénidin ayrilghanidi.

israiliyening 7-öktebir küni bashlanghan hujumlirida 3000 din artuq pelestinlik jénidin ayrildi. 12 ming 500 din artuq adem yarilandi.