erdoghan makron bilen téléfonlashti

türkiye awazi radiyosi xewiri: türkiye jumhuriyiti jumhur reislik mehkimisi uchur – alaqe ishliri idarisining bildürüshiche, jumhur reis rejep tayyip erdoghan firansiye pirézidénti émmanuél makron bilen téléfonda körüshken.

ikki rehberning téléfon söhbitide, israiliye – pelestin otturisidiki kündin-künge küchiyiwatqan toqunushlar seweb boluwatqan rayondiki insaniy tiragédiye, tinchliq ornitish yolida körsitiliwatqan tirishchanliqlar we bu heqte tashlinishqa tégishlik qedemler heqqide muzakire élip bérilghan.

jumhur reis erdoghan ghezze rayonidiki bigunah puqralar duch kéliwatqan kishilik hoquq depsendichiliklirini qobul qilghili bolmaydighanliqini bayan qilghan.

u türkiyening rayon ahalisigha insanperwerlik yardem buyumlirini yetküzüp bérish yolida nahayiti zor tirishchanliq körsitiwatqanliqini eskertish bilen bir waqitta, gherb döletlirining jiddiychilikni peseytish we tinchliq ornitishqa paydisiz qedemlerni tashlashtin yiraq turushining zörürlükini qeyt qilghan.

jumhur reis erdoghan téléfon söhbiti jeryanida, kirizisning üzül – késil hel qilinishi üchün, xelqara jemiyetning türkiyening mesilini ikki döletlik hel qilish tesewwuri – tedbiri asasida hel qilish tekliplirige qulaq sélishining zörürlükini éytqan, hemde semimiylik bilen qedem tashlighandila andin hem rayonni hem dunyani xatirjemlikke érishtürgili bolidighan bir hel qilish charisi tapqili bolighanliqini tekitligen.