türkiye yawropa kéngishi parlamént ezaliri mejlisining qararigha naraziliq bildürdi

türkiye awazi radiyosi xewiri:türkiye tashqi ishlar ministirliqi yawropa kéngishi parlamént ezaliri mejlisining tünügün türkiye heqqide chiqarghan qarari toghriliq yazma bayanat élan qildi.

tashqi ishlar ministirliqining bayanatida, yawropa kéngishi parlamént ezaliri mejlisining tünügün türkiye heqqide tewsiyede bolush we qarar chiqirish arqiliq«tarixiy xataliq» sadir qilghanliqi tekitlinip mundaq déyildi: 

«yawropa kéngishi parlamént ezaliri mejlisi tünügün türkiye heqqide tewsiyede bolush we qarar chiqirish arqiliq siyasiy menpeetliri üchün edliye mesililirini suyistémal  qilmaqta, diyalog yollirini taqashqa urunmaqta. halbuki, bu yawropa kéngishi parlamént ezaliri mejlisining mewjudiyitining asasi bolghan démokratik qimmet qarashlirighimu zittur. yawropa kéngishi parlamént ezaliri mejlisining nopuz tikleshni meqset qilidighan bu biperwaliqi kelgüside nomus bilen xatirilinidu.»