güler: meqsitimiz israiliye - pelestin toqunushigha kéchikmestin xatime bérishni qolgha keltürüsh

türkiye awazi radiyosi xewiri: dölet mudapie ministiri güler shimaliy atlantik ehdi teshkilati — nato mudapie ministirliri yighinigha ishtirak qilish üchün barghan biryussélda, türk muxbirlar bilen körüshüp, soallirigha jawab berdi.

u israiliye- pelestin toqunushigha munasiwetlik soallargha jawab bérish jeryanida, mudapie yighini dairiside, natoning «aq déngiz diyalogi hemkarliq méxanizmining bir ezasi bolghan israiliyening mudapie ministiri yoaw galantmu sin körünüshlük ishtirak qilghan ayrim bir yighinningmu échilghanliqini bildürdi.

türkiyening hem öz rayonidiki térrorluqqa qarshi turush kürishi, hem öz rayonidiki barliq urush we toqunushlargha munasiwetlik meydanining nahayiti éniq ikenlikini bayan qilghan ministir güler: «biz puqralargha qaritilghan her xil heriketlerni we puqralar olturaqlashqan rayonlargha zerbe béridighan her xil hujumlarni eyibleymiz. bizning nöwettiki asasliq meqsitimiz, tutqunlarning qoyup bérilishi, ghezzediki toqunushlarning bashqa rayonlargha yamrap kétishining aldining élinishi, elwette, toqunushlarning kéchikmestin axirlishishidur. tézdin tinchliq söhbetlirining bashlinishi, xelqara jemiyetmu  qollawatqan ikki döletlik hel qilish charisi ramkisi ichide ilgirilesh hasil qilinishi kérek. menggülük tinchliq ornitishning birdinbir yoli budur» dégenlerni qeyt qildi.