türkiye tél awiw yoluchilirigha hamasning hujumi sewebidin béletni kéchiktürüsh hoquqi berdi
türkiye awiatsiye shirkiti hamasning qoralliq qaniti izzédin qasim birigadisining qorshaw astidiki ghezze rayonidin israiliyege qilghan hujumi sewebidin tél awiw yoluchilirigha ayropilan bélitini emeldin qaldurush we kéchiktürüsh hoquqi berdi.
türkiye awazi radyosi xewiri: türkiye awiatsiye shirkitining tor bétidiki bayanatida, tél awiw nöwetchi ayropilanigha tesir körsitidighan weqeler sewebidin bügün yaki ilgiri tarqitilghan béletler üchün 7 – öktebirdin 9 – öktebirgiche bolghan ariliqta uchidighan türkiye awiatsiye shirkitige tewe ayropilanlar yaki anadolu jét shirkitige tewe barliq nöwetchi ayropilanlirigha tizimlatqan yoluchilargha béletni heqsiz emeldin qaldurush, kéchiktürüsh we waqtini özgertish qatarliq qoshumche hoquqlar bérilgenliki bildürüldi.
bayanatta tél awiwgha baridighan yaki tél ewéwdin uchidighan barliq türkiye awiatsiye shirkitige tewe yaki anadolu jét shirkitige tewe nöwetchi ayropilanlar üchün 9-öktebir düshenbe künigiche heqsiz bélet qayturushqa bolidighanliqi, béletning inawetlik waqtini heq tölimestin 30-noyabirghiche uzartsa bolidighanliqi uqturuldi.
bayanatta, bu resmiyetlerge munasiwetlik tepsiliy uchurlarni türkiye awiatsiye shirkitige tewe «https://www.turkishairlines.com/tr-int/tel-aviv-seferlerini-icin-yolcu-haklari» tor adrésidin tapqili bolidighanliqi bildürüldi.
bu ariliqta, tél awiw bén guriyon ayrodromida mesile körülgenliki sewebidin türkiye awiatsiye shirkitige tewe nöwetchi ayropilanlar kéchiktürüldi.
