shimaliy iraqtin qayghuluq xewer keldi
bölgünchi térrorluq teshkilati p k k térrorchilirining türkiye armiyesi iraqning shimalida dawamlashturuwatqan «penje – qulup» herbiy herikiti rayonidiki bir herbiy bazigha tajawuz qilishi netijiside, bir esker shéhit boldi.
türkiye awazi radiyosi xewiri: türkiye dölet mudapie ministirliqining bildürüshiche, bölgünchi térrorluq teshkilati p k k térrorchilirining 30 – séntebir (2023) iraqning shimalidiki «penche qulup» herbiy herikiti rayonigha tajawuz qilishi netijiside, piyade qisim kesipiy sérzhanti rejep parlaqning yarilinip, doxturxanida qutquzush ünüm bermey shéhit bolghanliqi eskertilip mundaq déyildi:
«qehriman sepdishimiz, piyade qisim kesipiy sérzhanti rejep parlaq dawaliniwatqan doxturxanida dawalash ünüm bermey 5- öktebir küni shéhit boldi. bizni chongqur azab we qayghugha tashlighan bu weqe sewebidin hayatidin ayrilghan eziz shéhidimizgha allah taaladin rehmet tileymiz, musibetlik ailisige, türkiye armiyesige we eziz xelqimizge teziye bildürimiz hem sewr – taqet tileymiz.»
türkiye dölet mudapie ministiri yashar gülermu shéhit parlaq üchün teziye bayanati élan qildi.
