türkiye mesjidi eqsagha basturup kirish qilmishlirini eyiblidi
türkiye quddustiki herem sherifni öz ichige alghan muqeddes jaylarning muqeddesliki we tarixiy salahiyitige ziyan yetküzgen hujumlarni pütünley qobul qilghili bolmaydighanliqini bildürdi.
türkiye awazi radiyosi xewiri: türkiye jumhuriyiti tashqi ishlar ministirliqi mesjidi eqsagha basturup kirish qilmishliri toghrisida yazma bayanat élan qildi.
türkiyening yéqindin buyan ewj élishqa yüzlengen mesjidi eqsaning muqeddeslikige dexli- teruz qilish qilmishliridin chongqur endishe qiliwatqanliqi tekitlengen bayanatta: «quddustiki herem sherifni öz ichige alghan muqeddes jaylarning muqeddesliki we tarixiy salahiyitige ziyan yetküzgen hujumlarni pütünley qobul qilghili bolmaydu» dégen ibarilerge orun bérildi.
bayanatta yene: «biz israiliye hökümitige qaratqan sahediki jiddiychilikni kücheytiwétidighan her qandaq ighwagerchilik heriketliridin yiraq turush toghrisidiki chaqiriqimizni we bu yönilishtiki zörür qedemlerning estayidil shundaqla téz sürette tashlinishini küchlük ümid qilidighanliqimizni qayta tekitleymiz» déyildi.
