erdoghan élon maskning téknofést toghrisidiki uchurigha inkas qayturdi
jumhur reis rejep tayyip erdoghan kéler yili awiyatsiye, alem boshluqi we pen - téxnika bayrimi — téknoféstqa qatnishidighanliqini élan qilghan tésla we SpaceX shirketlirining bash ijraiye emeldari élon maskning uchurigha inkas qayturdi.
türkiye awazi radiyosi xewiri: jumhur reis rejep tayyip erdoghan kéler yili awiyatsiye, alem boshluqi we pen - téxnika bayrimi — téknoféstqa qatnishidighanliqini élan qilghan tésla we SpaceX shirketlirining bash ijraiye emeldari élon maskqa inkas qayturup: «kéler yili dunyadiki eng chong awiyatsiye, alem boshluqi we pen - téxnika bayrimi — téknoféstta séni körüshtin cheksiz xushalliq hés qilimiz» dédi.
jumhur reis erdoghan élon maskning ijtimaiy taratqu supisi <X> tiki uchurini neqil keltürüp: «hörmetlik élon mask, kéler yili dunyadiki eng chong awiyatsiye, alem boshluqi we pen - téxnika bayrimi — téknoféstta séni körüshtin cheksiz xushalliq hés qilimiz. özara nep yetküzüsh tonushi asasida ornitidighan hemkarliqlirimiz bilen dölitimiz we insaniyetke nurghun sahede zor töhpilerni qoshidighanliqimizgha ishinimen. eng qisqa waqit ichide qayta körüshüshni ümid qilimen...» dégenlerni qeyt qildi.
mask uchurida özini téknoféstqa teklip qilghan jumhur reis erdoghangha rehmet éytip: «men kéler yili téknoféstqa biwasite qatniship, türkiyediki meblegh sélish pursetliri toghrisida söhbetlishishni taqetsizlik bilen kütmektimen» dédigenidi.
