fidan amérikada diplomatik uchrishishlirini dawamlashturdi

türkiye awazi radiyosi xewiri: tashqi ishlar ministiri xaqan fidan birleshken döletler teshkilatining 78 – nöwetlik omumiy kéngesh yighini dairiside, nyu yorkta amérika qoshma ishtatliri diplomatiye ministiri antoni blinkén bilen körüshti.

diplomatik menbelerning bildürüshiche, ikki ministirning texminen 45 minut dawamlashqan uchrishishida, türkiye – amérika munasiwetlirini téximu yuqiri pellige kötürüsh üchün kelgüside tashlinidighan konkrét we ijabiy qedemler, shundaqla qaradéngiz ashliq karidori kélishimi, shiwéytsiyening shimaliy atlantik ehdi teshkilatigha eza bolushi we qarabaghdiki yéqinqi özgirishler heqqide özara pikir almashturulghan.

xaqan fidan amérika qoshma ishtatlirining nyu york shehiridiki türk öyide seudi erebistan tashqi ishlar weziri feysel bin ferhan, israiliye tashqi ishlar ministiri éli kohén, wéngiriye tashqi ishlar we tashqi soda ministiri pétér sizijarto, bélgiye tashqi ishlar, yawropa mesililiri, tashqi soda we fédératsiye medeniyet apparatliri ministiri hajda lahbib bilen körüshken.

ministir fidan qarachay türkliri bilenmu körüshüp, türkiye bash konsulxanlirining ishiklirining hemishe ulargha ochuq hem ularning mulazimitide ikenlikini éytqan.

tashqi ishlar ministiri xaqan fidan nyu yorkta ötküzülgen astana munbiri tashqi ishlar ministirliri yighinighimu qatnashqan.