fidan nyu yorkta bezi döletlerning tashqi ishlar ministirliri bilen körüshti
birleshken döletler teshkilatining 78-nöwetlik omumiy kéngish yighini üchün nyu york shehiride ziyarette boluwatqan diplomatiye ministiri xaqan fidan ezerbeyjan, girétsiye, italiye, shiwéytsariye we misirtashqi ishlar ministirliri bilen körüshti.
türkiye awazi radiyosi xewiri: diplomatiye ministiri xaqan fidan tünügün aldi bilen ezerbeyjan tashqi ishlar ministiri jeyhun bayramow bilen körüshti.
diplomatik menbelerning bildürüshiche, diplomatiye ministiri xaqan fidan bilen ezerbeyjan tashqi ishlar ministiri jeyhun bayramowning uchrishishida, qarabaghning nöwettiki weziyiti heqqide muzakire élip bérilghan.
fidan tünügün yene girétsiye tashqi ishlar ministiri yorgos yérapétritis bilenmu bir yerge jem bolghan.
uchrishishta, jumhur reis rejep tayyip erdoghan bilen girétsiye bash ministiri kiryakos michotaksning kelgüsi künlerde amérika qoshma ishtatlirining nyu york shehiride ishqa ashurulidighan uchrishishning teyyarliq xizmetliri muzakire qilinghan.
ministir fidan italiye muawin bash ministiri, qoshumche tashqi ishlar ministiri antoniyo tajani bilenmu körüshken.
ikki ministirning uchrishishida, qanunsiz köchmenlikke qarshi küresh mesilisi muzakire qilinghan.
fidan uchrishishliri dairiside shiwéytsariye tashqi ishlar ministiri ignaziyo kassis we misir tashqi ishlar ministiri saih shükri bilenmu bir yerge jem bolghan.
