erodghan nyu yorkta garibashwili, mask we ahiska türklirining wekilliri bilen körüshti

türkiye awazi radiyosi xewiri: jumhur reis erdoghanning nyuyorktiki türköyidiki kütüwélishliri giruziye bash ministiri irakli garibashwili bilen bashlandi.

erdoghan söhbet jeryanida, baku - tiblis - qars tömür yolining tézdin ishqa kirishtürülüshidin ümidwar ikenlikini otturigha qoydi.

ikki dölet otturisidiki soda miqdarini üch milyard dollardin besh milyard dollargha özgertishke bolidighanliqini bildürgen erdoghan, giruziyediki fethullahchi térrorluq teshkilati mekteplirini taqap, mal - mülüklirini tonglitishning muhimliqini, giruziye hökümitining bu yönilishte tashlighan qedemliridin memnun ikenlikini eskertti.

u yene amérikida yashaydighan ahiska türkliri bilenmu körüshti.

erdoghan 2022 - yili 2 - ayning 24 - künidin buyan dawam qiliwatqan rusiye - ukraina urushi jeryanida töt ming ahiska türkining türkiyege élip kélingenlikini kelgenlikini tekitlep: «biz (ahsika türkliri)ning uzun yilliq ümidi bolghan türkiye puqraliqigha ötüsh arzusini emelge ashurush üchün zörür qedemlerni tashlawatimiz, bu jeryanni tézlitiwatimiz» dédi.

erdoghanning yene bir méhmini alem qatnishi shirkiti — SpaceXning bash ijraiye emeldari élon mask idi؛ erdoghan maskqa türkiyening pen - téxnika jehettiki bösüsh ilgirileshliri toghrisida melumat berdi.

türkiyening yerlik aptoomobili toggning qatnashqa bashlishi bilen birlikte téslaningmu türkiye bazirigha kirgenlikini eslitip ötken jumhur reis erdoghan, maskni téslaning yettinchi zawutini türkiyede qurushqa chaqirdi.

erdoghan yene maskni 27 - séntebirdin 1 - öktebirgiche izmirda ötküzülidighan dunyadiki eng chong alem, awiyatsiye we pen - téxnika bayrimi — téknoféstqa teklip qildi.

mask türköyidin ayrilghanda, qolida jumhur reis erdoghanning «téximu adil dunya berpa qilish mumkin» namliq kitabi bilen türkiye jumhuriyiti jumhur reislik mehkimisi uchur – alaqe ishliri idarisi teripidin teyyarlanghan türkiyening b d t da islahat élip bérish teklipige munasiwetlik kitab bar idi.

jumhur reis erdoghan andi, türk – amérikan döletlik yétekchilik qilish komitétining ziyapitide söz qildi؛ erdoghanning nutqi nuqtiliq halda türkiye - amérika munasiwiti we rusiye - ukraina urushigha merkezleshti.

türkiye - amérika munasiwitining kündin - künge yaxshiliniwatqanliqigha isharet qilghan erdoghan, rusiye - ukraina urushi toghrisida toxtilip: «bizning rusiye - ukraina urushigha tutqan pozitsiyemiz pütkül dunyaning alqishigha érishti. biz esirlerni almashturushtin tartip qara déngiz ashliq karidori kélishimighiche bolghan nurghun diplomatik muweppeqiyetlerni qolgha keltürduq» dégenlerni qeyt qildi.

jumhur reis erdoghan bezi yawropa döletliridiki quran kerimge qilinghan hujumlargha yene bir qétim qattiq inkas qayturup: «biz ikki milyard musulmanning muqeddes kitabigha hujum qilishning pikir erkinliki namida yolluqlashturulushini qetiy qobul qilmaymiz» dédi.