jumhur reis erdoghan amérikada ziyarette bolidu
dölitimiz (türkiye jumhuriyiti) jumhur reisi rejep tayyip erdoghan birleshken döletler teshkilatining 78 – nöwetlik omumiy kéngesh yighinigha qatnishish üchün amérika qoshma ishtatlirigha yétip baridu.
türkiye awazi radiyosi xewiri: türkiye jumhuriyiti jumhur reislik mehkimisi uchur – alaqe ishliri idarisining bildürüshiche, jumhur reis rejep tayyip erdoghan birleshken döletler teshkilatining nyu yorkta chaqirilidighan 78 – nöwetlik omumiy kéngesh yighinigha qatnishish üchün 16 – 22 – séntebir künliri amérika qoshma ishtatlirida ziyarette bolidiken.
jumhur reis erdoghan birleshken döletler teshkilatining 9-ayning 19-küni «omumiy ishenchni eslige keltürüsh we yer shari xaraktérlik hemkarliq kücheytish: 2030-yilliq qaralmilar we imkaniyetlik sijil tereqqiyat nishani, tinchliq, güllinishke qarap heriket qedimini tézlitish» témisida ötküzülidighan omumiy kéngesh yighinining birinchi küni b d t omumiy kéngishige xitab qilidiken.
erdoghan nyu york ziyariti dawamida, dölet bashliqlirini öz ichige alghan köp sanda yuqiri derijilik rehberler bilen uchrishishlarni élip baridiken.
