mudapie ministirliqi bakuning düshmen ishghaliyitidin azad qilinghanliqining 105 yilliqini tebriklidi

türkiye awazi radiyosi xewiri: türkiye jumhuriyiti dölet mudapie ministirliqi ijtimaiy taratqudiki adrésida bakuning düshmen ishghaliyitidin azad qilinghanliqining xatire yili munasiwiti bilen tebrik télégrammisi tarqatti.

türkiye we ezerbeyjan armiyelirining birlikte élip barghan manéwirlirining süretliri kirishtürülgen bir sin körünüshi bilen birlikte élan qilinghan tebrik télégrammisida: «bakuning düshmen ishghaliyitidin qutulghanliqining 105 yilliqigha mubarek bolsun. nuri (killigil) pasha we uning qomandanliqidiki kawkaz islam qoshuni qehrimanlirini hörmet we séghinish ichide esleymiz. buningdin 105 yil burunqigha oxshash bügünmu ezerbeyjan türkiy qérindashlirimiz bilen bir yürek, bir musht bolushni dawamlashturmaqtimiz» dégen ibarilerge orun bérildi.