enqere yawropa parlaméntining 2022 - yilliq türkiye doklatigha naraziliq bildürdi

türkiye awazi radiyosi xewiri: türkiye jumhuriyiti tashqi ishlar ministirliqi bayanat élan qilip, yawropa parlaméntining tewsiye qarari mahiyitidiki 2022 – yilliq türkiye doklatining 13- séntebir yawropa parlaménti omumiy yighinida qobul qilinghanliqini eskertti.

doklatning yawropa parlaméntigha eza döletlerning kündilik awamchil siyasetlirining quli bolup qalghanliqi, hem yawropa ittipaqi hemde rayongha qarita toghra istratégiyelik pozitsiyeni namayan qilishtin qanchilik uzaq ikenlikini körsitip bergenlikige isharet qilinghan bayanatta: «bu doklat türkiyege qarshi qatlamlarning yalghan uchurlirini tayanch qilghan naheq eyiblesh we bir tereplime qarashlar bilen tolghan bolup, yawropa parlaméntining meyli dölitimiz bilen bolghan munasiwiti, meyli yawropa ittipaqining kelgüsi toghrisidiki adettin tashqiri téyiz we yiraqni körelmeslik pozitsiyesining namayendisidur. türkiye – yawropa ittipaqi munasiwitining janlinishi üchün, purset közniki échighan, qitemizning muqimliqi we bixeterliki nuqtisidin intayin muhim bir peytte, yawropa parlaméntining munaiswetlirimizning omurtqisi bolghan (yawropa ittipaqigha) qétilish söhbetlirining ornigha bashqiche koylargha kirishini eqilge muwapiq emes, dep qaraymiz. buningdin bashqa, yawropa parlaménti doklatqa kirgezgen ege, sherqiy aq déngiz we qibris mesililiridimu mueyyen tereplerning bir tereplime qarashlirini eks ettüridighan, tarixiy we qanuniy réalliqtin chetnigen sepsetilirining bizge nisbeten héchqandaq ehmiyiti yoq» dégen ibarilerge orun bérildi.

tamozhna ittipaqini yéngilash we wizini erkinleshtürüsh diyalogini tézdin tamamlashning türkiye bilen yawropa ittipaqining aldimizdiki mezgildiki bilen ortaq nishani ikenlikige isharet qilinghan bayanatta, bu mesililerde tashlinidighan özara qedemlerning türkiye- yawropa munasiwitini ilgiri süridighanliqi we türkiyening ittipaqqa kirish musapisini yéngi we heriketchan basquchqa bashlap kiridighanliqi tekitlendi.

türkiyening bixeterlik, énérgiye, kilimat özgirishi, köchmenler, sodida burulush we iqtisadiy qiyinchiliqlar qatarliq nöwettiki xirislar aldida yawropa ittipaqini dunyawi küchke aylandurush yoshurun küchige ige bir dölet ikenliki otturigha qoyulghan bayanatta: «bu réalliqni ispatlash bezi qatlamlarning ötkünchi menpeetlirige teslim bolmaydighan yiraqni körer dunya qarishi arqiliq mumkin bolidu» dégen ibarilerge orun bérildi.

bayanatta, kéler yili ötküzülidighan yawropa parlaménti saylimidin kéyin qurulidighan yéngi parlaméntning terepsiz, aqilane we berpachi köz qarash bilen heriket qilishining ümid qilinidighanliqi qeyt qilindi.