türkiye liwiyediki kelkünde qaza qilghanlar üchün teziye bildürdi
türkiye liwiyede shiddetlik yamghur keltürüp chiqarghan kelkün apitide qaza qilghanlargha teziye bildürdi.
2035985
türkiye awazi radyosi xewiri: türkiye jumhuriyiti tashqi ishlar ministirliqi bayanat élan qilip, türkiyening tünügündin buyan liwiyege éghir tesir körsetken, bolupmu sherqiy déngiz qirghaqlirini weyran qilghan, daniyal qara borini shundaqla u keltürüp chiqarghan kelkün sewebidin nurghun liwiyeliklerning qaza qilghanliqidin chongqur qayghurghanliqini bildürdi.
bayanatta: «biz dost we qérindash liwiye xelqidin shundaqla liwiyedin hal soraymiz. hayatidin ayrilghanlargha allahtin rehmet, yarilanghanlargha baldurraq shipaliq tileymiz. türkiye her waqittikige oxshash bu tebiiy apetke qarshimu liwiyelik qérindashlirigha her türlük yardemlerni qilishni dawamlashturidu» déyildi.