türkiye kelkün apitining éghir zerbisige uchrighan liwiyege yardem qolini sundi
türkiye shiddetlik yamghur keltürüp chiqarghan kelkün apitining éghir zerbisige uchrighan liwiyege yardem qolini sundi.
türkiye awazi radiyosi xewiri: türkiye jumhuriyiti dölet mudapie ministirliqi bayanat élan qilip, asasliq turmush lazimetlikliri bésilghan üch yük ayropilanining birinchisining izdesh- qutquzush etretliri bilen birlikte paytext enqeredin liwiyege qarap yolgha chiqqanliqini uqturdi.
türkiye jumhuriyiti apet we jiddiy ishlarni bir terep qilish idarisi — afad reisi okay memish, üch yük ayropilanining kelkün apiti yüz bergen liwiyege izdesh we qutquzush etriti bilen yardem eshyalirini yötkeydighanliqini, ayropilanlarning töt saet ariliq qaldurup yolgha chiqidighanliqini tilgha élip: «biz dost we qérindash liwiye xelqige türkiyening, türkiye dölitining we türk millitining yardem qolini sunimiz» dédi.
jumhur reis rejep tayyip erdoghan ijtimaiy taratqudiki adrésida liwiyediki kelkün apiti toghrisida bayanat élan qilip: «türkiye liwiye xelqining yénida. <afad>imizning maslashturushi bilen, üch ayropilanning binghazigha qondurulushi pilanlandi» dédi.
liwiye xelqidin hal sorighan jumhur reis erdoghan: «birinchi basquchta, ayropilanlirimizda izdesh – qutquzush we bashqa xizmetlerge yardemchi bolushi üchün 168 xadim, ikki izdesh- qutquzush mashinisi, ikki qutquzush kémisi, panahlinish we bashqa éhtiyajlarni qandurush üchün, 170 chédir, 600 ediyal, panahlinish orni we bashqa éhtiyajlarni qandurush üchün, 400 yémeklik we taziliq buyumliri sanduqi, 20 générator, 1000 yamghurluq chapan, 500 ötük we 500 qol chirighi qatarliqlar bolidu» dégenlerni qeyt qildi.
مۇناسىۋەتلىك خەۋەرلەر
türkiyening awiyatsiye sahesi mulazimitide rékort yaritildi
aprél éyida türkiye miqyasidiki ayrodurumlarda 18 milyongha yéqin yoluchi toshuldi.
ezerbeyjan bash ministiri türkiyede ziyarette bolmaqta
ezerbeyjan bash ministiri eli esedof türkiyede dölet ishliri ziyaritide bolmaqta.