türkiye afriqa birleshmisining g20 döletler guruhining daimiy ezasi bolushini qarshi aldi

türkiye awazi radyosi xewiri: tashqi ishlar ministirliqi, hindistanning sahibxanliqida yéngi déhlida ötküzülgen g20 döletler guruhi bashliqlar yighinida maqullanghan « afriqa birleshmisining daimiy eza bolishi» qararigha munasiwetlik bayanat élan qildi.

bayanatta bu qararning «zor xoshalliq» bilen qarshi élinghanliqi tekitlinip, «türkiye afriqa birleshmisining istratégiyelik shériki bolush süpiti bilen afriqining xelqaraliq munberlerde wekillik ornini yaxshilishi, awazining anglinishi üchün pütün küchi bilen tirishidu» déyildi.

bayanatta mundaq déyildi:

«bashtin-axir biz eng küchlük qollap kelgen afriqa birleshmisining g20 döletler guruhigha daimiy eza bolishi, xelqara munasiwetlerde köp tereplimilikning hakim orungha ötüshi nuqtisidin qimmetliq bir qedemdur. türkiye afriqaning xelqara sistémida heqliq bolghan orungha érishishi üchün qollap quwwetleshni dawamlashturidu»

hindistan bash ministiri naréndra modimu bügün paytext yéngi déhlida «bir dunya, bir aile, bir kelgüsi» témisi astida 18-nöwetliki bashlanghan g20 döletler guruhi rehberliri yighinida, eza döletlerning afriqa birleshmisige daimiy ezaliq salahiyiti bérilishi toghrisida kélishkenlikini élan qildi.