yaponiye-türkiye iqtisadiy hemkarliq muzakiriliri qayta bashlinidighan boldi
soda ministiri ömer bolat, «biz yaponiye-türkiye iqtisadiy hemkarliq muzakirilirini téxnikiliq sewiyede qayta bashlashni qarar qilduq» dédi.
türkiye awazi radiyosi xewiri: soda ministiri ömer bolat bilen yaponiyening iqtisad, soda we sanaet ministiri yasutoshi nishimura istanbulda uchriship, ikki döletning soda, meblegh sélish we iqtisadiy mesililerdiki kün tertipi we hemkarliq imkaniyetlirini muzakirileshti.
ministir ömer bolat: «türkiye bilen yaponiyening soda we meblegh sélish sahesidiki hemkarliqini ilgiri sürüsh üchün ilgiri qurulghan türkiye-yaponiye soda we meblegh sélish bashliqlar yighinini eng qisqa waqit ichide tokyoda ötküzüshni we bu yighinlarni buningdin kéyin qerellik ötküzüshni qarar qilduq» dédi.
bu ariliqta, ikki ministirning riyasetchilikide ötküzülgen heyetler ara uchrishish netijiside birleshme bayanat imzalandi.
andin ministir ömer bolat yaponiye tashqi soda teshkilati (JETRO) teripidin uyushturulghan yaponiye-türkiye soda munbirige qatnashti.
ömer bolat türkiye - yaponiye özara soda omumiy sommisining 2022-yilida 5 milyard dollardin ashqanliqini we bu yilning axirighiche soda omumiy sommisining 6 milyard dollarliq chektin éship kétidighanliqini mölcherlewatqanliqini bildürdi.
