erdoghanning sintebirdiki diplomatik uchrishishliri intayin qoyuq bolidu

türkiye awazi radyosi xewiri: erdoghanning birinchi békiti rusiye bolidu, erdoghan 4-séntebirde rusiyening sochi shehiride pirézidént wiladimir putin bilen körüshidu.

erdoghan bilen putinning uchrishishida eng muhim küntertip maddisi 17-iyulda rusiye chékingen qara déngiz ashliq karidori kélishimi bolidu.

ikki rehber kélishimni eslige keltürüsh üchün tashlinidighan qedemler heqqide pikir almashturidu.

rusiye-ukraina urushining eng yéngi weziyitimu muzakire qilinidighan uchrishishita yene, ikki dölet otturisidiki munasiwetler, bolupmu énérgiye, soda, iqtisad we sayahet qatarliq témilar muzakire qilinidu.

jumhur reis erdoghan sintebirde ikki xelqaraliq rehberler yighinida türkiyege wekillik qilidu.

erdoghan 9- we 10-séntebir künliri hindistanning paytexti yéngi déhligha bérip, g20 döletler guruhi rehberler yighinigha qatnishidu. erdoghanning «bir dunya, bir aile, bir kelgüsi» témisida ötküzülgen rehberler yighinida yer shari sodisining tereqqiyati üchün tashlinidighan qedemler, térrorluqqa qarshi küreshte xelqara hemkarliq we kélimat özgirishi qatarliq témilarda  toxtilishi mölcherlenmekte.

jumhur reis erdoghan 17-séntebirdin 21-séntebirgiche amérikaning nyuyork shehiride ötküzülidighan 78-nöwetlik birleshken döletler teshkilati omumiy yighinigha qatnishidu.

erdoghanning b d t omumiy yighinidiki  nutuqida, asasliqi rusiye-ukraina urushi, süriye, pelestin we shimaliy qibris türk jumhuriyitige munasiwetlik eng yéngi özgirishler, térorluqqa qarshi küresh, pananhlanghuchilar mesilisi, we kélimat özgirishige qarshi küresh témilirigha  alahide orun bérishi texmin qilinmaqta.  

erdoghan yene g20 döletler guruhi rehberliri uchrishishi we b d t omumiy kéngishi dairiside nurghun dölet we hökümet bashliqliri bilen ayrim ayrim uchrishish ötküzidu.