mudapie ministirliqi 30 - awghust zeper bayrimini tebriklidi

türkiye awazi radiyosi xewiri: türkiye jumhuriyiti dölet mudapie ministirliqining ijtimaiy taratqudiki adrésida hembehrilengen sinliq tebrik télégrammsida, urush peytlirining kona süretliri bilen türkiye armiyesining nöwettiki yerlik we milliy qoral, oq – dora we mashinlar bilen élip barghan zerbe bérish heriketliri we manéwirlirining körünüshlirige orun bérildi.

30- awghustning girétsiye armiyesining türkiye tupraqliridiki eng axirqi küni bolghanliqi eskertilgen filimde, «bash qomandan mustapa kamal pashaning 30- awghust armiyesige: <eskerler, silerning birinchi nishaninglar aq déngiz, algha!> dep buyruq chüshürüshi bilen, chüshtin kéyin keskinleshken jeng kechkiche dawamlashti, girétsiye armiyesi pütünley parchilandi, giréklar nurghun talapetke uchridi. shundaq qilip, girétsiye armiyesining izmirgha kirip, anadoluni ishghal qilishni meqset qilghan tajawuzchiliq herikiti girétsiyeliklerning déngizgha tökülüshi bilen axirlashti» dégen ibarilerge orun bérildi.

filimde, ghazi mustapa kamal pashaning «algha» dégen buyruqigha asasen, hemishe xelqning xizmitide, xelq bilen birlikte yerlik we milliy téxnikilar bilen qorallanghan türkiye armiyesining küchi we mesuliyitini tonughan halda kündin- künge küchiyiwatqanliqi qeyt qilindi.

türkiye armiyesning burunqigha oxshash bügünmu dostlargha ishench ata qilip, düshmenge wehime sélishni dawamlashturuwatqanliqigha isharet qiqlinghan filimde: «ghazi mustapa kamal atatürk we sepdashlirini öz ichige alghan —  weten yolida jénini pida qilghan — eziz shéhitlirimizni hemde qehriman ghazilirimizni séghinish we minnetdarliq ichide yad étimiz. 30-awghust zeper bayrimi we türkiye armiyesi bayrimi mubarek bolsun» dégen ibarilergimu orun bérildi.