bügün 30 - awghust zeper bayrimining 101 - xatire küni

türkiye awazi radiyosi xewiri: «ya musteqilliq, ya ölüm» dep atlanghan yolda girétsiye armiyesi éghir talapetke uchritildi؛ buningdin 101 yil burunqi bügünki künde qolgha keltürülgen zeper, türk millitining teqdirini özgertti.

bu zeper arqiliq anadoluni ishghal qilghili bolmaydighanliqi pütkül dunyagha namayan qilindi we u dunyaning eng chong qehrimanliq dastanlirining biri süpitide tarix sehipiliridin orun aldi.

türk milliti qan, ot we neyze bilen ghelibe terepke qarap atlandi. her ikki terep éghir talapetlerge uchrighan sakarya meydan urushi, musteqilliq urushining burulush nuqtilirining biri idi.

bu ghelbidin kéyin, ilgirilishi toxtitilghan düshmen armiyesini weten tupraqliridin qoghlap chiqirishning teyyarliqliri bashlandi.

bash qomandan mustapa kamal pasha 1922- yili 26- awghust keng kölemlik hujum qozghidi.

8- ayning 27- küni afyonqarahisar, 30- awghust kütahya, 1- séntebir emet we tawshanli düshmen ishghaliyitidin azad qilindi. 9- séntebir izmirdiki girétsiye armiyesini déngizgha tökken türkiye armiyesi, mustapa kamal pashaning buyruqini zor muweppeqiyet bilen orundidi.

herbiy küchler arqiliq qobul qildurulmaqchi bolghan «sewr shertnamisi» urush meydanida yirtip tashlanghan boldi we u lozan tinchliq shertnamisining tüzülüshige kapaletlik qildi. türkiye misaqi milli (dölet ehdisi)ning jughrapiyelik nishanigha yetti.